विराटनगर । भारतीय चर्चित क्रिकेटर शिखर धवनले एभरेष्ट बेसक्याम्पको अवलोकन गरेका छन् ।
नेपाल प्रिमियर लिए (एनपिएल) खेल्न नेपाल आएका उनले फर्किँदै गर्दा एभरेष्ट बेसक्याम्पको अवलोकन गरेका हुन् ।
उनीसहित कर्णाली याक्सका सहमालिक गृहेन्द्र घिमिरेसहितको टोलीले आइतबार एभरेष्ट बेसक्याम्पको अवलोकन गरेका थिए ।
उनीहरूले ३–४ घन्टा एभरेष्ट बेसक्याम्पमा बिताएका थिए ।
एभरेष्ट बेसक्याम्पको अवलोकनपछि शिखर आइतबार साँझ एयर इन्डियाको जहाजमार्फत स्वदेश फर्किएका छन् ।
यसअघि उनले एनपिएलका क्रममा पशुपति नाथ दर्शन गरेका थिए । शिखरले आउँदो मार्चमा नेपालको भ्रमणमा आउने चाहना व्यक्त गरेका छन् ।
कर्णालीबाट ४ खेल खेलेका शिखरले एक अर्धशतकसहित १३६ रन बनाए । भारत फर्किएका उनले नेपालमा एनपिएल खेल्दा राम्रो अनुभव भएको बताए ।
‘राम्रो अनुभव भयो । नेपालका खेलाडीलाई केही सिकाउने र मैले पनि केही मौका पाँए,’ उनले भने ।
एनपीएलको पहिलो संस्करणमा धवन आउँदा उनको प्रदर्शनलाई लिएर उनको प्रदर्शनलाई हेर्न दर्शकहरु निकै उत्सुक बनेका थिए ।
तर, धवनले खेलमा भने सोचेजस्तो धमाकेदार प्रदर्शन गर्न सकेनन् ।
धवन सहाभागी भएको कर्णाली याक्सको चार खेलमा टोलीले दुई खेलमा मात्र जित निकाल्न सफल भयो ।
एनपीएलमा कम्तीमा चार र बढीमा पाँच म्याच खेल्ने गरी सम्झौता गरेर आएका महंगा खेलाडी हुन्, धवन ।
उनले एउटा खेल ३० हजार डलर लिने सम्झौता भएको थियो ।
सबै व्यवस्थापकीय खर्चहरु समेत जोड्दा दुई करोड रुपैयाँ जति खर्च हुने फ्रेन्चाइज टोलीका ओनरले जनाएका छन् ।
धवनले चार खेलमा कुल १३६ रन बनाए, जसमा एउटा अर्धसतक सामेल छ ।
धवनको औसत ४५.३३ र स्ट्राइक रेट १२२.५२ रह्यो ।
धवनले जनकपुर बोल्ट्सविरुद्धको पहिलो खेलमा १४ बलमा १४ रन बनाएर आउट भएका थिए ।
दोस्रो खेलमा काठमाण्डु गुर्खाजविरुद्ध ५१ बलमा ७१ रन हान्दै राम्रो प्रदर्शन गरे ।
जसमा ५ छक्का र ४ चौका सामेल थिए ।
तरपनि दोस्रो खेलपनि कर्णालीले गुमाउन पुग्यो ।
चितवन राइनोजविरुद्धको तेस्रो खेलमा धवनले ४१ बलमा ४५ रन बनाए ।
उक्त खेल भने कर्णालीले जीत्दै एनपीएलमा पहिलो जित दर्ता गर्यो ।
चौंथो खेलमा धवन चलेनन्, उनले पाँच रन मात्र बनाएको उक्त खेल भने कर्णालीले जित्यो ।
पहिलो ब्याटिङ गर्दै कर्णालीले १३३ रनको कमजोर योगफल बनाएको थियो ।
शिखर धवनको ब्याटबाट पाँच रन मात्रै निस्कियो । तर, बलरहरुले उत्कृष्ट प्रदर्शन गर्दै कर्णालीलाई ७ रनको रोमाञ्चक जित दिलाए ।
यस म्याचसँगै एनपीएलको पहिलो संस्करणमा धवनको यात्रा समाप्त भएको हो ।
धवन आज साँझ पाँच बजेको फ्लाइटमा धवन भारत उड्नेछन् ।
धवनलाई ल्याउन भएको खर्च अनुसार उनको प्रदर्शन हुन नसकेको फ्रेन्चाइज स्विकार्छ ।
तर, अन्तर्राष्ट्रिय स्तरका ठूलो नाम रहेका धवनजस्तो खेलाडी एनपीएलमा आवद्ध हुनु नै उपलब्धि भएको फ्रेन्चाइजको भनाई छ ।
