विराटनगर । लिभरपुलले इंग्लिस प्रिमियर लिगको शीर्ष स्थानमा शनिबार ५ अंकको ठोस अग्रता लिएको छ ।
घरेलु मैदान एन्फिल्डमा भएको खेलमा डारविन नुनेज र मोहमद सलाहको गोलमा एस्टन भिल्लालाई २–० गोलले पराजित गर्यो ।
यसअघिको खेलमा डिफेन्डिङ च्याम्पियन म्यानचेस्टर सिटीको हारले लिभरपुललाई अझ फाइदा पुगेको हो ।
सिटी ब्राइटनसँग २–१ गोलले स्तब्ध भएको हो । लिभरपुलको ११ खेलबाट २८ अंक भएको छ । समान खेलमा सिटी २३ अंकमा दोस्रोमा छ ।
आर्ने स्लटको लिभरपुलले लिगमा ६ क्लिन सिट पनि राखेको छ । सिटी भने लगातार चौथो हार बेहोर्न बाध्य रह्यो ।
पेप ग्वार्डिओलाले सिटी आएयता लगातार चार हारको सामना गरेको यो नै पहिलो पटक हो ।
इर्लिङ हालान्डको गोलले अग्रता लिएपछि ब्राइटनले पुर्नआगमन रच्यो । उसका लागि जाओ पेड्रो र म्याट ओ’रिलेले गोल गरे ।
अन्य खेलमा ब्रेन्टफोर्डले बर्नमाउथलाई ३–२, फुलहमले क्रिस्टल प्यालेसलाई २–० र उल्भ्सले साउथह्याम्पटनलाई २–० ले हरायो ।
