विराटनगर । युरोपको सर्वाधिक ठुलो फुटबल प्रतियोगिता च्याम्पियन्स लिगमा साविक विजेता रियल मड्रिडमाथि एसी मिलानले सहज जित आत्मसात् गरेको छ ।
मंगलबार राति भएको खेलमा मिलानले रियललाई उसैको मैदान सान्टियागो बर्नाबेउमा ३-१ गोलले हराएको हो ।
मिलानको जितमा मालिक थियाव, अल्भारो मोरटा र टिजनी रेजन्डर्सले एक-एक गोल गरे । रियलका भिनिसियस जुनियरले गरेको गोल सान्त्वना बन्यो ।
यससँगै मिलानले चार खेलमा ६ अंक जोडेको छ । रियलसँग पनि समान अंक छ ।
