विराटनगर । ‘द हङकङ सिक्सेस’ क्रिकेट प्रतियोगिताको आफ्नो दोस्रो खेलमा नेपालले अस्ट्रेलियालाई पराजित गरेको छ ।
शनिबार बिहान भएको खेलमा नेपालले अस्ट्रेलियालाई ११ रनले हराएको हो ।
एक खेलअघि नै दोस्रो चरण प्रवेश गरेको नेपालले पहिलो खेलमा इंग्ल्यान्डलाई ६ विकेटले पराजित गरेको थियो ।
शनिबार नेपालले दिएको ११२ रनको लक्ष्य पछ्याएको अस्ट्रेलियाले निर्धारित ६ ओभरमा १०० रन मात्रै बनाउन सक्यो । नेपालका लागि प्रतिस जिसीले ३ विकेट लिए ।
टस हारेर पहिले ब्याटिङ गरेको नेपालले निर्धारित ६ ओभरमा २ विकेट गुमाएर १११ रन बनाएको थियो । नेपालका लागि सन्दीप जोराले अर्धशतक प्रहार गरे ।
यस्तै लोकेश बमले १३ बलमा ३३ रन बनाए । अस्ट्रेलियका ज्याक हुडले २ विकेट लिए । हङकङ सिक्सेसमा नेपाल एक खेलअघि नै क्वार्टरफाइनल प्रवेश गरिसकेको थियो ।
यो जितसँगै नेपाल समूह विजेता बनेको छ ।
