विराटनगर । डिएगो जोटाको निर्णायक गोलको मद्दतमा लिभरपुलले इंग्लिस प्रिमियर लिगमा जित निकाले छ ।
शनिबार साँझ भएको खेलमा लिभरपुलले क्रिस्टल प्यालेसमाथि १-० गोलको जित निकालेको हो ।
क्रिस्टलको मैदानमा भएको खेलमा डिएगो जोटाले निर्णायक गोल गरे । उनले खेलको नवौं मिनेटमा गरेको गोल नै लिभरपुलको जितमा निर्णायक बन्यो ।
पहिलो हाफमा गोल गरेको लिभरपुलले आफूले भने गोल खाएन । यससँगै जारी सिजनमा पहिलो हाफमा गोल नखाने लिभरपुल एकमात्र टोली बन्न सफल भएको छ ।
लिगमा सहभागी अरू १९ वटै टोलीले पहिलो हाफमा गोल खाइसकेका छन् ।
जितसँगै शीर्ष स्थानको लिभरपुलले सात खेलमा १८ अंक जोडेको छ ।
