काठमाडौं । क्यानडामा जारी त्रिकोणात्मक टी-२० आई सिरिजको आफ्नो अन्तिम खेलमा नेपालले ओमानलाई ५६ रनले पराजित गरेको छ ।
क्यानडाको किङ सिटीमा बुधबार राति भएको खेलमा नेपालले ५६ रनको जित हात पारेको हो ।
नेपालको जितमा कप्तान रोहित पौडेलको अलराउन्ड प्रदर्शन गरे ।
किंग सिटीमा ओमानले टस जितेर पहिला फिल्डिङ रोजेपछि सुरुवाती ब्याटिङ गरेको नेपालले २० ओभरमा ७ विकेट गुमाउँदै १ सय ५७ रन बनाएको थियो ।
ओपनर अनिल साह ११, आसिफ शेख १६, देव खनाल १८, दीपेन्द्रसिंह ऐरी १, गुल्सन झा २ र कुशल भुर्तेल ११ रनमा आउट भए ।
रोहितले ४४ बलमा २ चौका र ४ छक्कासहित ५६ रनको अविजित अर्धशतकीय इनिङ खेले ।
ओमानका फयाज बटले, ३ विकेट हात पारे । कलिमुल्लाह, सकिल अहमद र अकिब इलियासको नाममा १-१ विकेट रह्यो ।
जवाफमा १ सय ५८ रनको लक्ष्य पछ्याएको ओमान १७ ओभर ५ बलमा १ सय १ रनमा अल आउट भयो ।
ओमानका जिशान मकसुदले ३५ र अकिब इलियासले २२ रन बनाए ।
नेपालका कुशल भुर्तेलले ३ विकेट लिए । रिजन ढकाल, रोहित पौडेल र सन्दीप लामिछानेको नाममा २-२ विकेट रह्यो ।
यस जितसँगै नेपालले टी-२० आई सिरिज आफ्नो नाममा गर्ने सम्भावनालाई जिवित राखेको छ ।
नेपाल पहिलो खेलमा नेपाल क्यानडासँग १४ रनले पराजित भएको थियो ।
दोस्रो खेलमा ओमानलाई ३७ रनले हराएको नेपाल तेस्रो खेलमा क्यानडासाग ४ विकेटले पराजित भएको थियो ।
नेपाल ४ खेलमा ४ अंकका साथ नेटरनरेटका कारण शीर्ष स्थानमा छ ।
यस खेलमा ओमान विजयी भए नेटरनरेटका आधारमा नेपालले सिरिजको उपाधि जित्ने छ ।
नेपालले भोलिदेखि क्यानडा एसँग ३ खेलको एकदिवसीय अभ्यास सिरिज खेल्ने तालिका छ ।
त्यसपछि नेपाल लिग-२ को त्रिकोणात्मक सिरिजका लागि अमेरिका प्रस्तान गर्ने छ ।
क्यानडामा सम्पन्न लिग-२ सिरिजमा खराब प्रदर्शन गरेको नेपालले बिनाकुनै जित केबल १ अंक जोडेको थियो ।
