विराटनगर । वोयचेक श्चेस्नी नयाँ गोलकिपरको रूपमा एक वर्षको सम्झौतामा बार्सिलोनामा सामेल भएका छन् ।
वोयचेक श्चेस्नीको सम्झौता जुन २०२५ मा समाप्त हुँदैछ । उनले बार्सिलोनासँग १ वर्षको सम्झौता गरेका छन् ।
बार्सिलोनाले बुधबार वोयचेक श्चेस्नीलाई फ्रि एजेन्टको रूपमा अनुबन्ध गरेको घोषणा गरेको छ ।
३४ वर्षीय श्चेस्नीले गत महिना सन्न्यास लिएका थिए, तर घाइते मार्क-आन्द्रे टेर स्टेगेनको स्थान लिने अवसरले आकर्षित भएर उनले खेलमा फर्कने निर्णय गरेका छन् ।
श्चेस्नी पछिल्लो पटक युभेन्टसमा थिए । गत सिजन उनीहरूको प्रमुख गोलकिपर थिए । तर समरमा भने उनले युभेन्टससँगको आफ्नो सम्झौता रद्द गरेका थिए ।
उनले बार्सिलोनासँग सिजनको अन्त्यसम्मको लागि एक वर्षको सम्झौता गरेका छन् ।
बार्सिलोनाका प्रमुख गोलरक्षक टेर स्टेगेन कम्तीमा आगामी वर्षको अप्रिलसम्म वा त्योभन्दा लामो समयसम्म बाहिर रहनेछन् ।
