विराटनगर । एएफसी च्याम्पिन्स लिगमा अल नासरले जित निकालेको छ ।
सोमबार राति भएको समूह चरणको खेलमा नासरले अल रायनलाई २-१ गोलले हराएको हो ।
घरेलु मैदानमा भएको खेलमा नासरलाई जिताउन ‘मिस्टर च्याम्पियन्स’ क्रिस्टियानो रोनाल्डो र साडियो मानेले एक-एक गोल गरे ।
रायनका रोजर गुएडेसले एक गोल गरे ।
पहिलो हाफको इन्ज्युरी समयमा मानेले गोल गर्दै नासरलाई सुरुआती अग्रता दिलाएका थिए ।
७६औं मिनेटमा रोनाल्डोले गोल गर्दै घरेलु टिमको अग्रता दोब्बर बनाए ।
खेलको ८७औं मिनेटमा रायनका रोजर गुएडेसले गरेको गोल पाहुना टोलीका लागि सान्त्वना बन्यो ।
यससँगै तालिकाको तेस्रो स्थानमा रहेको नासरले दुई खेलमा चार अंक जोडेको छ ।
