एजेन्सी । नयाँ सिजनको स्पेनिस ला लिगामा बार्सिलोनाले आफ्नो अपराजित यात्रा टुंग्याएको छ ।
शनिबार राति भएको खेलमा ओसासुनासँग ४–२ गोलान्तरले पराजित भएसँगै बार्सिलोनाले आफ्नो अपराजित यात्रा टुंग्याएको हो ।
ओसासुनाको मैदानमा भएको खेलमा घरेलु टोलीलाई जिताउन एन्टे बुडिमिरले दुई गोल गर्दा ब्रान जारागोजा र एबेल ब्रेटोनसले एक-एक गोल गरे ।
बार्सिलोनाका लागि पाउ भिक्टर र लायम यमलले एक-एक गोल गरे ।
खेलको १८औं मिनेटमै ओसासुनाले एन्टे बुडिमिरको गोलमार्फत सुरुआती अग्रता लिएको थियो ।
त्यसको १० मिनेटपछि ब्रायनले नै अग्रता दोब्बर बनाए । ५३औं मिनेटमा पाउ भिक्टरले गोल गर्दै बार्सिलोनालाई खेलमा फर्काउने प्रयास गरेका थिए ।
तर, ७२औं मिनेटमा बुडिमिरले गोल गर्दै ओसासुनाको अग्रता ३–१ मा पुर्याए । निर्धारित खेल सकिन एक मिनेट बाँकी रहँदा यमलले गोल गरेपनि बार्सिलोनाको हार टार्न सकेनन् ।
यससँगै बार्सिलोनाले आठ खेलमा गएर आफ्नो अपराजित यात्रा टुंगाएको हो ।
शीर्ष स्थानको बार्सिलोनाको २१ अंक रहँदा एक खेल कम खेलेको रियल मड्रिड चार अंकले पछि परेको छ । छैटौं स्थानमा उक्लिएको ओसासुनाको भने आठ खेलबाट १४ अंक छ ।
