विराटनगर । नयाँ सिजनको साउदी प्रो लिगमा अल नासरले अल वेदामाथि सहज जित निकालेको छ ।
शुक्रबार राति घरेलु मैदानमा भएको खेलमा नासरले वेदालाई २-० गोलले हराएको हो ।
नासरलाई जिताउन एन्जेलो ग्राबियल र कप्तान क्रिस्टियानो रोनाल्डोले एक-एक गोल गरे ।
खेलको ४१औं मिनेटमा साडियो मानेको पासमा गोल गर्दै ग्राबियलले नासरलाई अग्रता दिलाएका थिए ।
खेलको ५६औं मिनेटमा नासरले पेनाल्टीको मौका पाएको थियो, जसमा रोनाल्डोले गोल गर्दै घरेलु टिमलाई जिताए ।
यससँगै ३९ वर्षीय रोनाल्डोले ९०३ व्यवसायिक गोल गरेका छन् । पाँच पटकका बालोन डी’ओर विजेता रोनाल्डोले नासरबाट ७१ खेलमा ६४ गोल गरेका छन् ।
उनले पोर्चुगलबाट २१४ खेलमा १३२ गोल गरेका छन् भने रियल मड्रिडबाट ४३८ खेलमा ४५० गोल र म्यानचेस्टर युनाइटेडबाट ३४६ खेलमा १४५ गोल गरेका छन् ।
इटालीको युभेन्टसबाट १३४ खेलमा १०१ गोल गरेका उनले स्पोर्टिङ सिपीबाट ३१ खेलमा ५ गोल गरेका छन् ।
यता, अल नासर जितसँगै दोस्रो स्थानमा उक्लिएको छ । उसले पाँच खेलमा ११ अंक जोडेको छ ।
