विराटनगर । स्पेनिस ला लिगामा बार्सिलोनाले लगातार सातौं जित निकालेको छ । बुधबार राति भएको खेलमा बार्सिलोनाले गेटाफेलाई १-० गोलले हराएको हो ।
घरेलु मैदानमा बार्सिलोनालाई जिताउन रोबर्ट लेवान्डोस्कीले निर्णायक गोल गरे । उनले खेलको १९औं मिनेटमा गरेको गोल नै बार्सिलोनाको जितमा निर्णायक बन्यो ।
जितसँगै सात खेलमा शतप्रतिशत जित निकालेको बार्सिलोनाले २१ अंक जोडेको छ । ऊ साविक विजेता रियल मड्रिडभन्दा चार अंकले अगाडि छ ।
रियलले समान सात खेल खेल्दा १७ अंक जोडेको छ ।
