विराटनगर । नर्दन फरेस्टले लिभरपुललाई उसको घरमा पराजित गरेपछि नयाँ सिजनमा लिभरपुलले पहिलो हार बेहोरेको छ । इंग्लिस प्रिमियर लिगको तेस्रो चरणसम्म सतप्रतिशत जित सहित अघि बढेको लिभरपुल चौथो चरणमा आएर हारेको हो ।
खेल अवधिभर ७० प्रतिशत बल आफ्नो पक्षमा राख्दा समेत गोल गर्न नसक्दा लिभरपुल १-० ले पराजित भएको हो । खेलमा फरेस्टको तर्फबाट ७७ औं मिनेटमा हुड्सन ओडइले गरेको गोलनै विजयी गोल बन्यो ।
खेलपछि फरेस्टले ४ खेलबाट ८ अंक सहित आफूलाई चौथो स्थानमा लगेको छ भने समान खेलबाट ९ अंकसहित लिभरपुल दोश्रो स्थानमा छ ।
