विराटनगगर । नयाँ सिजनको स्पेनिस ला लिगामा बार्सिलोनाले लगातार तेस्रो जित आत्मसात् गरेको छ । मंगलबार राति बार्सिलोनाले रायो भालेकानोलाई उसैको मैदानमा २–१ ले पराजित गरेको हो ।
बार्सिलोनाका लागि डानी ओल्मोले गरेको निर्णायक गोल निर्णायक बन्यो । स्पेनी प्ले मेकर ओल्मोले ८२ औं मिनेटमा गोल गरेका हुन् ।
उनी हालैमात्र बार्सिलोनामा अनुबन्ध भएका खेलाडी हुन् । उनले डेब्यु खेलमै पहिलो गोल गरे ।
त्यसअघि भालेकानोले उनाई लोपेजको गोलमा नवौं मिनेटमा अग्रता लिएको थियो ।
तर, पेड्रीले ६० औं मिनेटमा बराबरी गोल फर्काए र बार्सिलोना खेलमा पुनरागमन रच्न सफल रह्यो । अर्को खेलमा रियल मार्लोका र सेभियाले गोलरहित बराबरी खेले ।
