विराटनगर । सशस्त्र प्रहरीको एपिएफ महिला टोली एएफसी वुमन्स क्लब च्याम्पियनसिप खेल्न मलेसिया प्रस्थान गरेको छ ।बिहीबार साँझ प्रीति राईसहितको एपिएफको टोली वुमन्स क्लब च्याम्पियनसिप खेल्नका लागि मलेसिया प्रस्थान गरेको हो ।
एसियाका क्लबहरू भिड्ने उक्त प्रतियोगिता आइतबारबाट मलेसियामा सुरु हुँदै छ । सुरु दिन नै उज्वेकिस्तानको सेभिन्चसँग खेल्दै एपिएफले प्रतियोगिताको थालनी गर्ने छ ।
सन् २०१९ यता प्रत्येक वर्ष आयोजना हुँदै आएको उक्त प्रतियोगिता २०२० मा भने कोरोना महामारीका कारण रद्द नै भएको थियो ।
