काठमाडौं । भारतीय सुपर लिग क्लब पञ्जाबले मनिष तिम्सिनालाई प्रशिक्षक टोलीमा सामेल गरेको छ ।
क्लबले एक सूचना जारी गरेर तिम्सिनालाई गोलकिपर प्रशिक्षकमा नियुक्त गरेको हो ।
एएफसी गोलकिपिङ ‘ए’ डिप्लोमा लाइसेन्स हासिल गरेका तिम्सिनाले नेपाली राष्ट्रिय फुटबल टिमको पनि गोलकिपर प्रशिक्षकको भूमिका निर्वाह गरिसकेका छन् ।
उनले यसअघि सुपर लिग क्लब गोकुलम केरलाको पनि गोलकिपर प्रशिक्षकको रुपममा काम गरिसकेका छन् ।
तिम्सिनाले धरानको एन्फा टेक्निकल सेन्टरको एकेडेमीमा रहेर पनि प्रशिक्षण गराएका थिए ।
पञ्जाबको टिमको गोलकिपरमा रवि कुमार, महित साबिर र आयुष देशवाल रहेका छन् ।
तिम्सिना एएफसी गोलकिपिङ ‘ए’ डिप्लोमा लाइसेन्स हासिल गर्ने पहिलो नेपाली हुन् ।
उनले आइलिग क्लब गोकुलम केरलाको गोलकिपिङ प्रशिक्षकको भूमिकासमेत निर्वाह गरिसकेका छन् ।
आइलिग टोलीमा कुनै पनि प्रशिक्षकका रुपमा आबद्ध भएका उनी पहिलो नेपाली हुन् ।
तिम्सिनाले खेलाडीका रूपमा थ्री स्टार, आरसिटी, हिमालयन शेर्पा, बाँसबारी, स्वयम्मु, ब्रिगेड ब्वाइजबाट खेलेका छन् ।
