विराटनगर । नेपालले आइसिसी टी-२० विश्वकप हारबाट सुरुआत गरेको छ । समूह डीको पहिलो खेलमा नेपाल नेदरल्यान्ड्ससँग ६ विकेटले पराजित भएको हो ।
नेपालले दिएको १०७ रनको लक्ष्य पछ्याएको नेदरल्यान्ड्सले १८.४ ओभरमा ४ विकेट गुमाउँदै १०९ रन बनायो ।
नेदरल्यान्ड्सका म्याक ओ डाओडले सर्वाधिक ५४ रन बनाए। अविजित रहेका उनले ४८ बलमा ४ चौका र १ छक्का प्रहार गरे ।
विक्रमजीत सिंह २२ र साइब्रेन्ड एन्गलब्रेख्त १४ रनमा आउट हुँदा बास डे लीडे ११ रनमा अविजित रहे । अन्यको प्रदर्शन भने राम्रो हुन सकेन। नेपालका सोमपाल कामी, दीपेन्द्रसिंह ऐरी र अविनाश बोहरा समान १ विकेट लिए ।
डालासस्थित ग्रान्ड पिएरे मैदानमा मंगलबार टस हारेर मैदान उत्रिएको नेपालले १९.२ बलमा अलआउट हुँदै १०६ रन बनायो ।
नेपालका कप्तान रोहित पौडेलले ३७ बलमा ५ चौका प्रहार गर्दै ३५ रन जोडे ।
यस्तै, करण केसीले १२ बलमा दुई छक्का हान्दै १७ रन जोडे भने गुल्सन झाले १५ बलमा १ छक्काको सहायता लिँदै १४ रन बनाए ।
१२ बल खेलेका अनिल साहले दुई चौकाको सहायतामा ११ रन जोडे भने अनिल साहले १२ बलमा दुई चौका हान्दै ११ रन जोडे ।
कुशल मल्लले एक चौका प्रहार गर्दै ९ बलमा ९ रन बनाउँदा कुशल भुर्तेल ७ रनमा आउट भए ।
नेदरल्यान्डसका टिम प्रिंंगल र लोगन भान बिकले तीन-तीन विकेट लिए भने पल र बस डी लिडेले दुई-दुई विकेट लिए ।
