विराटनगर । तेस्रो संस्करणको मिल्स कप टी-२० क्रिकेट प्रतियोगिताको उपाधि विराटनगरको वाइआरसिसी क्रिकेट क्लबले जितेको छ ।
विराटनगर जुटमिलको खेलमैदानमा मंगलबार सम्पन्न भएको फाइनल खेलमा विराटनगरको होराइजन क्रिकेट क्बललाई २०० रनको फराकिलो अन्तरले हराउँदै वाइआरसिसीले उपाधि जितेको हो ।
जितसँगै वाइआरसीसीले एक लाख ५१ हजार र ट्रफी हात पारेको छ । उपविजेता बनेको होराइजनले ७५ हजार रुपैयाँमा चिक्त बुझाएको छ ।
विजेता हुने टिमलाई कोशी प्रदेशको सामाजिक विकास मन्त्री पाँचकर्ण राई, राज्यमन्त्री सिर्जना राई, खेलकुद विकास बोर्डका सदस्यसचिव परशुराम बस्नेत, मिल्स क्रिकेट क्लब एन्ड एकेडेमीका अध्यक्ष मुररी चौधरीले पुरस्कार वितरण गरेका थिए ।
मिल्स क्रिकेट क्लब एन्ड एकेडेमी र नेपाल खेलकुल महासंघको आयोजनामा वैशाख २८ गतेबाट सुरु भएको प्रतियोगितामा नेपालको १० र भारतको ६ टिम गरी १६ टिमको सहभागिता रहेको थियो ।
