विराटनगर । नेपालले आइसिसी टी-२० विश्वकपको तयारीस्वरूप अमेरिका र क्यानडासँग अभ्यास खेल खेल्ने भएको छ ।
विश्वकपअघि आइसिसीले प्रदान गर्ने दुई अभ्यास खेलअन्तर्गत नेपालले २७ मेमा क्यानडा र ३० मेमा अमेरिकासँग डालासमा वार्मअप खेल खेल्ने छ ।
अमेरिका र वेस्ट इन्डिजमा जुन १ देखि २९ सम्म टी-२० विश्वकप आयोजना हुँदै छ ।
विश्वकपमा नेपालसहित २० टोली सहभागी छन् । जसलाई चार समूहमा विभाजन गरिएको छ ।
प्रत्येक समूहमा पाँ–पाँच टोली छन् । हरेक समूहका शीर्ष दुई टोली सुपर–८ मा पुग्नेछन् ।
सुपर ८ मा दुई समूह हुनेछन् । हरेक समूहका शीर्ष दुई टोली सेमिफाइनल खेल्नेछन् ।
नेपाल विश्वकपको समूह ‘डी’ मा छ । यस समूहमा नेपालसहित श्रीलंका, बंगलादेश र दक्षिण अफ्रिका रहेका छन् ।
नेपालले जुन ४ तारिख नेदरल्यान्ड्ससँग खेल्दै विश्वकपको सुरुवात गर्ने छ । नेपाली टोली विश्वकपका लागि अमेरिका पुगिसकेको छ ।
