विराटनगर । कोशी प्रदेशले एन्फा महिला लिग छनोटमा लगातार चौथो जित हात पारेको छ ।
बुधबार भएको खेलमा कोशीले गण्डकीलाई ३-० गोलले हराउँदै चौथो जित निकालेको हो ।
सुर्खेतको वीरेन्द्रनगरस्थित कर्णाली रंगशालामा कोशीलाई जिताउन समीक्षा मगरले दुई गोल गरिन् भने ममता राउतले एक गोल गरिन् ।
खेलको छैटौँ मिनेटमै समीक्षाले गोल गर्दै कोशीलाई अग्रता दिलाउँदा ५२औँ मिनेटमा ममताले गोल गर्दै कोशीको अग्रता दोब्बर बनाइन् ।
९०औँ मिनेटमा समीक्षाले व्यक्तिगत दोस्रो गोल गर्दै टोलीलाई ३-० को सहज जित दिलाइन् ।
यससँगै शतप्रतिशत जितसहित कोशी १२ अंक जोड्दै शीर्ष स्थानमा छ ।
