विराटनगर । नेपाली राष्ट्रिय क्रिकेट टोलीको बलिङ सल्लाहकार प्रशिक्षकमा वेस्ट इन्डिजका रोड्रिक ओ’ इस्टविक नियुक्त भएका छन् ।
टी-२० विश्वकपको तयारीमा रहेको नेपाली टोलीको प्रशिक्षणलाई ध्यानमा राखी नेपाल क्रिकेट संघ (क्यान) ले आइतबार इस्टविकलाई बलिङ सल्लाहकार प्रशिक्षक नियुक्त गरेको हो ।
इस्टविकले लामो समय वेस्ट इन्डिजको सियिनर टोलीमा रहेर काम गरेका छन् ।
‘नेपालको राष्ट्रिय टोलीसँग काम गर्न पाउनु मेरा लागि खुसीको कुरा हो । म आफ्नो ज्ञान नेपाली खेलाडीसँग बाँड्न आतुर छु । पछिल्लो समय नेपालले क्रिकेटमा राम्रो गरिरहेको छ । नेपाली क्रिकेटलाई अझैमाथि लैजान म सक्दो प्रयास गर्नेछु,’ उनले भनेका छन् ।
६२ वर्षीय इस्टविकले ३७ वटा शीर्ष श्रेणी र लिस्ट ‘ए’ मा ४२ खेल खेलेका छन् ।
