विराटनगर । इन्डियन प्रिमियर लिग (आइपिएल) मा सनराइजर्स हैदराबादले मुम्बई इन्डियन्सलाई पराजित गरेको छ ।
बुधबार भएको खेलमा हैदराबादले मुम्बईलाई ३१ रनले पराजित गरेको हो ।
हैदराबादले दिएको दुई सय ७८ रनको लक्ष्य पछ्याएको मुम्बईले निर्धारित २० ओभरमा पाँच विकेट गुमाएर दुई सय ४६ रनमात्रै बनायो ।
मुम्बईका टिम डेविड ४२ रनमा अविजित रहे भने रोमारियो शेफर्ड पनि १५ रनमा अविजित रहे ।
मुम्बईका इशान किशनले ३४, रोहित शर्माले २६ र नमन धीरले ३० रनको योगदान दिए । तिलक वर्माले ३४ बलमा ६४ रन बनाए । टिम डेभिड ४२ रनमा नटआउट रहे ।
हैदरावादका प्याट कमिन्स र जयदेव उनाडकटले २–२ विकेट लिए ।
त्यसअघि राजीव गान्धी अन्तर्राष्ट्रिय स्टेडियममा टस हारेर पहिला ब्याटिङ थालेको हैदराबादले निर्धारित २० ओभरमा ३ विकेट गुमाएर दुई सय ७७ रन बनाएको थियो ।
जुन आइपिएल इतिहासकै सर्वाधिक ठुलो योगफल हो । यसअघिको रोयल च्यालेन्जर्स बेंगलुरुले २०१३ सिजनमा पुणे वारियर्सविरुद्ध दुई सय ६३ रन बनाएको थियो ।
हाइनरिक क्लासनले अविजित रहँदै सर्वाधिक ८० रन बनाए । यता, एडन मारक्रमले अविजित रहँदै ४२ रन बनाए ।
हैदरावादका लागि ट्राभिड हेड र मयंक अग्रवालको जोडीले २५ बलमा ४५ रनको ओपनिङ साझेदारी गर्दै उत्कृष्ट सुरुवात दिलाएका थिए ।
अग्रवाल ११ रनमा बाहिरिए । हेडले ६२ रन जोडे । अभिषेक शर्माले २३ बलमा ६३ रन बनाए । उनी खेलको प्लेयर अफ द म्याचसमेत घोषित भए ।
हेनरिक क्लासेन ३४ बलमा ८० रनमा नटआउट रहे । उनलाई ४२ रनको योगदान दिएका एडेन मार्करामले साथ दिए ।
मुम्बईका कप्तान हार्दिक पाण्डेय, जेराल्ड कुटिज र पियुष चावलाले एक-एक विकेट लिए ।
यस जितसँगै २ खेलमा २ अंकसहित हैदरावाद तालिकाको तेस्रो स्थानमा उक्लिएको छ । समान खेलमा जित विहीन मुम्बई १० टोली सहभागी प्रतियोगिताको पुछारबाट दोस्रो स्थानमा छ ।
आइपिएलमा आज राजस्थान रोयल्स र दिल्ली क्यापिटल्स प्रतिस्पर्धा गर्दै छन् ।
