विराटनगर । आयरल्यान्ड ‘ए’ टिमसँगको दुई टी-२० अभ्यास खेलअन्तर्गत नेपालले आज पहिलो खेल खेल्दै छ ।
कीर्तिपुरस्थित त्रिवि मैदानमा हुने नेपाल र आयरल्यान्डबीचको खेल दिउँसो १ बजेबाट सुरु हुने छ ।
आयरल्यान्डको टिम टी–२० र एक दिवसीय सिरिजका लागि नेपाल आएको छ ।
आयरल्यान्डसँग यही मार्च २८, २९ र ३० तारिख टी–२० र अप्रिल ३, ५ र ७ तारिख एक दिवसीय सिरिज खेल्दै छ ।
नेपाल क्रिकेट संघ (क्यान) ले आइतबार विनोद भण्डारीको कप्तानीमा दुवै खेलका लागि टोलीको घोषणा गरेको थियो ।
क्यानले घोषणा गरेको नेपाल ‘ए’ टी–२० को टोलीमा विनोद भण्डारी (कप्तान), लोकेश बम, देव खनाल, पवन सर्राफ, किरण ठगुन्ना, आरिफ शेख, अर्जुन घर्ती, नारायण जोशी, बसिर अहमद, राशिद खान, सागर ढकाल, विपिन खत्री, कमलसिंह ऐरी, हेमन्त धामी र विकास अग्री छन् ।
यस्तै एक दिवसीयमा विनोद भण्डारी (कप्तान), अर्जुन कुमाल, देव खनाल, नरेन भट्ट, भीम सार्की, अर्जुन साउद, आरिफ शेख, बसिर अहमद, कमलसिंह ऐरी, साहब आलम, रञ्जित कुमार, रुपेश सिंह, रिजन ढकाल, विकास अग्री र मौसम ढकाल छन् ।
