विराटनगर । कोशी प्रदेश खेलकुद विकास बोर्डले १७ प्रशिक्षकका लागि करार सेवाअन्तर्गत जागिर खुलाएको छ ।
शनिबार सूचना जारी गर्दै सामाजिक विकास मन्त्रालयअन्तर्गतको विकास बोर्डले विभिन्न १५ खेलका लागि १७ प्रशिक्षक आवश्यक रहेको भन्दै दरखास्त आह्वान गरेको हो ।
आगामी असार मसान्तसम्मका लागि करार सेवामा पदपूर्ति गर्नुपर्ने भन्दै प्रदेशभरिका प्रशिक्षकहरूका लागि जागिर खुलाएको हो ।
भलिबल र उसुमा दुई-दुई जना मागेको बोर्डले फुटबल, कबड्डी, क्रिकेट, बक्सिङ, तेक्वान्डो, कराते, जुडो, ब्याडमिन्टन, शारिरीक सुगठन, सेपाकताक्रो, आइटी एफ तेक्वान्दो, एथलेटिक्स र रग्वीतर्फ एक-एक जना मागेको छ ।
प्रशिक्षक बन्न आठ कक्षा पास गरे पुग्छ । उमेर भने ४५ वर्ष ननाघेको हुनुपर्ने बोर्डले जनाएको छ ।
सेवासुबिधा मासिक ३० हजार रुपैयाँ रहने बताइएको छ । चैत ९ गतेसम्ममा दरखास्त दिन सकिने छ ।
