विराटनगर । मोरङ क्रिकेट संघको आयोजनामा विराटनगरमा जारी कोशी प्रदेश ट्रफी पेप्सी राष्ट्रिय टी–२० क्रिकेट प्रतियोगिताको सेमिफाइनल समीकरण पूरा भएको छ ।
बिहीबार लिग चरणका अन्तिम दुई खेलसँगै सेमिफाइनलको समीकरण पूरा भएको ।
सेमिफाइनलमा विभागीय टिम आर्मी, लुम्बिनी, सुदूरपश्चिम र कर्णाली प्रदेशले स्थान बनाएका छन् ।
आजको पहिलो खेलमा मधेस प्रदेशले एपिएफ र बागमती प्रदेशले नेपाल पुलिसलाई पराजित गर्यो ।
बिहीबारको खेलअगावै समूह ‘ए’ बाट आर्मी आठ अंकका साथ शीर्ष स्थानमा रहँदै समूह विजेताको रूपमा सेमिफाइनलमा प्रवेश गरेको छ ।
आर्मीसँगै उक्त समहबाट कर्णाली समूह उपविजेता बन्दै सेमिफाइनलमा प्रवेश गर्न सफल भएको छ ।
त्यस्तै, समूह ‘बी’ बाट लुम्बिनी ४ मा ३ खेल जित्दै ६ अंकका साथ समूह विजेता बन्दै सेमिफाइनलमा प्रवेश गरेको छ ।
सुदूरपश्चिमले पनि ४ मा ३ खेल जित्दै ६ अंकका साथ उपविजेता हुँदै सेमिफाइनलमा प्रवेश गरेको छ ।
लुम्बिनीको नेट रन रेटको आधारमा समूह विजेता बनेको हो ।
शुक्रबारको पहिलो सेमिफाइनल खेल आर्मी र सुदूरपश्चिम तथा दोस्रो सेमिफाइनल खेल लुम्बिनी प्रदेश र कर्णाली प्रदेशबीच खेल हुने छ ।
