विराटनगर । मोरङको विराटनगरमा मंगलबार (आजदेखि) प्रदेशकै ठुलो क्रिकेट प्रतियोगिता राष्ट्रिय टी-२० क्रिकेट प्रतियोगिताको थालनी हुँदै छ ।
विराटनगर महानगरपालिका-१९ वैजनाथपुरमा रहेको गिरिजाप्रसाद कोइराला अन्तर्राष्ट्रिय क्रिकेट रंगशालामा आज हुने उद्घाटन खेलमा कोशी प्रदेश र कर्नाली प्रदेश आमनेसामने हुँदै छन् ।
कोशी र कर्णालीबीचको खेल बिहान १० बजेदेखि सुरु हुने छ ।
आज दिउँसो २ बजे हुने अर्को खेलमा गण्डकी प्रदेश र सुदूरपश्चिम प्रदेशबीच प्रतिस्पर्धा हुने छ ।
आगामी चैत ३ गतेसम्म हुने प्रतियोगितामा सातै प्रदेश र तीन विभागीय गरी १० टिमको सहभागिता छ, जसलाई दुई समूहमा विभाजन गरिएको छ ।
समूह ‘ए’ मा कोशी, कर्णाली, मधेस र विभागीय टोलीद्वय आर्मी र एपिएफ क्लब छन् भने समूह ‘बी’ मा बाग्मति, लुम्बिनी, गण्डकी र नेपाल पुलिस क्लब छन् ।
प्रतियोगिताको विजेता टोलीले नगद रु ५ लाख तथा उपविजेताले तीन लाख पुरस्कारसहित ट्रफी हात पार्ने छ ।
प्रतियोगिता लिगको आधारमा हुने छ ।
