विराटनगर । फ्रान्सको शीर्ष फुटबल लिग डिभिजन वानमा नेपालकी साबित्रा भण्डारी ‘साम्बा’ ले डेब्यु गोल गरेकी छन् ।
गुइनग्याम्पका लागि खेलिरहेकी नेपालकी स्टार फरवार्ड साम्बाले फ्रेन्च क्लबका लागि डेब्यु गोल गरेकी हुन् ।
शनिबार गुइनग्याम्पले एको लिलेविरुद्धको खेलमा २-० गोलको जित निकाल्दा साबित्राले डेब्यु गोल गरेकी हुन्
पहिलो हाफ गोलरहित बराबरीमा सकिएको खेलको दोस्रो हाफमा दुई गोल गर्दै गुइनग्याम्पले जित निकालेको थियो ।
खेलको ५२औं मिनटमा एन्टोनी स्टारोवाले पेनाल्टीबाट गोल गरेकी थिइन् भने वैकल्पिक खेलाडीका रूपमा अन्तिमतिर प्रवेश गरेकी साबित्राले खेलको इन्जुरी समयमा विपक्षी गोलरक्षकलाई बिट गर्दै सुन्दर गोल गरेकी थिइन् ।
यो जितपछि १६ खेलबाट १५ अंक जोडेको गुइनग्याम्प लिग तालिकाको नवौं स्थानमा उक्लिएको छ ।
पराजित लिले भने ८ अंकका साथ ११औं स्थानमा छ ।
