विराटनगर । नेपाल वेस्ट एसियन फुटबल महासंघ (वाफ) महिला च्याम्पियनसिपको सेमिफाइनलमा प्रवेश गरेको छ ।
बिहीबार साउदी अरेबियाको जेदाहस्थित किङ अब्दुल्लाह स्पोर्ट्स सिटी रंगशालामा भएको खेलमा इराकलाई हराउँदै नेपाल अन्तिम चारमा प्रवेश गरेको हो ।
नेपालको जितमा सावित्रा भण्डारी ‘साम्बा’ एक्लैलै पाँच गोल गरिन् ।
साम्बाले पहिलो हाफमा नै ह्याट्रिकसहित चार गोल गरेकी थिइन् । दाेस्रो हाफमा उनले एक गोल थपिन् ।
यससँगै स्टार फरवार्ड साम्बाले आफ्नो अन्तर्राष्ट्रिय करियरको ५०औं गोल पूरा गरेकी छन् ।
नेपालले पहिलो खेलमा सिरियालाई ४–१ गोल अन्तरले हराएको थियो ।
इराक भने पहिलो खेलमा प्यालेस्टाइनसँग पराजित बनेको थियो ।
प्रतियोगिताको समूह ‘बी’मा रहेको नेपाल एक खेलअगावै सेमिफाइनलमा प्रवेश गरेको हो । नेपालले समूह चरणको अन्तिम खेलमा प्यालेस्टाइनसँग खेल्ने छ ।
