विराटनगर। मोरङको ग्रामथान गाउँपालिका वडा नम्बर १ ले ७४औं प्रजातन्त्र दिवसको अवसर पारेर हाजिरी जवाफ तथा खुल्ला दौड प्रतियोगिता आयोजना गरेको छ ।
सोमबार वीरेन्द्र मावि ग्रामथान गाउँपालिका-१ पूर्वविद्यार्थी समाजको सहकार्यमा अन्तर विद्यालय हाजिरी जवाफ तथा खुल्ला दौड प्रतियोगिता भएको हो ।
लखन्तरी रविहाट चोकबाट सुरु भई पिँडारबनीसम्म फन्को लगाई गरेको पुरुषतर्फको तीन हजार मिटर दौड प्रतियोगितामा बूढीगंगा गाउँपालिका-५ का सन्जु सरदार प्रथम, बूढीगंगा-५ कै दीपक सरदार दोस्रो स्थान र नेताचौक मोडेल एकेडेमी ग्रामथान गाउँपालिका-६ का रवि विक तेस्रो स्थान हासिल गर्न सफल भए ।
त्यस्तै, महिलातर्फको एक हजार मिटर दौड प्रतियोगितामा बुद्ध इंग्लिस बोर्डिङ स्कुल ग्रामथानकी सुबिना बस्नेत प्रथम बनिन् भने बूढीगंगा गाउँपालिका-६ की सुजिता माझी दोस्रो तथा वाणि सेकेन्डरी स्कुलका ग्रामथान-३ का सदीक्षा माझी तेस्रो स्थान हासिल गर्न सफल भइन् ।
त्यसैगरी, खुला हाजिरी जवाफ प्रतियोगितामा ग्रामथान गाउँपालिकाभरिका स्कूलले भाग लिएका थिए ।
सरस्वती मावि झोराहाट, शारदा बोर्डिङ स्कुल, पशुपति बोर्डिङ स्कुल, बुद्ध बोर्डिङ स्कुल, वाणि मावि, वीरेन्द्र माबि र नेताचोक मोडेल स्कुलले भाग लिएका थिए ।
उक्त हाजिरी जवाफ प्रतियोगितामा सरस्वती मावि झोराहाट प्रथम, वीरेन्द्र मावि, लखन्तरी दोस्रो र शारदा बोर्डिङ स्कुल झोराहाट तृतीय र पशुपति बोर्डिङस्कूल नेताचोकले चौथो स्थान हासिल गरेको कुरा पूर्वथारू विद्यार्थी समाजका सदस्य सञ्जीव चौधरीले जानकारी गराएका छन् ।
कार्यक्रममा प्रथम, दोस्रो र तेस्रो स्थान पाउन सफल विद्यार्थीहरूलाई आयोजक तथा पूर्वथारू विद्यार्थी समाजका प्रतिनिधिले पुरस्कार तथा सम्मानपत्रले स्वागत गरेका थिए ।
कार्यक्रमाको प्रमुख अतिथि ग्रामथान-१ का वडा अध्यक्ष सुरेशकुमार माझी रहेका थिए ।
उक्त कार्यक्रममा स्वागत मन्तब्य लेखक राजेशकुमार सरदार थारूले राखेका थिए भने शुभकामना मन्तव्य वीरेन्द्र माविका प्रअ मनोज रम्तेलले दिएका थिए ।
कार्यक्रममा ग्रामथान-१ का वडासदस्यहरू सञ्जय माझी र आनन्द सरदार थारूको पनि उपिस्थति रहेको थियो ।
कार्यक्रमको सभापतित्व वीरेन्द्र माविका पूर्वथारू विद्यार्थी समाजका अध्यक्ष राजीव चौधरीले गरेका थिए ।
