पाल्पा । पाल्पाको तिनाउँ गाउँपालिकामा जिप दुर्घटना हुँदा आठ जनाको घटनास्थलमा नै मृत्यु भएको छ ।
तिनाउँ-६ स्थित मस्याममा जिप दुर्घटना हुँदा आठ जनाको मृत्यु भएको जिल्ला प्रहरी कार्यालय पाल्पाका प्रहरी निरीक्षक सुगन्ध श्रेष्ठले जानकारी दिए ।
मृतक तीन पुरुष र पाँच महिला रहेको भए पनि पहिचान हुन सकेको छैन ।
दुर्घटनामा घाइते भएका १८ जनालाई लुम्बिनी मेडिकल कलेज पाल्पा पठाइएको छ ।
डुम्रेबाट तिनाउको चिदिसतर्फ जाँदै गरेको जिप दुर्घटना भएको हो ।
अहिले उद्धारको कार्य चलिरहेको छ। जिप दुर्घटनाको कारण खुल्न नसकेको जिल्ला प्रहरी कार्यालय पाल्पाका प्रहरी उपरीक्षक हेरम्ब शर्माले बताए ।
दिउँसो ४ः४५ बजे जिप दुर्घटना भएको हो ।
