विराटनगर । मोरङ जिल्लास्तरीय ‘बी’ डिभिजन क्रिकेट प्रतियोगिताअन्तर्गत विराटनगर क्रिकेट क्लब (बिसिसी)र ग्रामथान क्रिकेट क्लब फाइनलमा प्रवेश गरेका छन् ।
विराटनगरको वैजनाथपुर क्रिकेट मैदानमा भएको खेलमा विजयी भएसँगै दुवै टिमले फाइनलमा प्रवेश गर्दै ‘ए’ डिभिजनमा प्रवेश गरेका छन् ।
मंगलबार भएको पहिलो खेलमा बिसिसीले मिल्स क्रिकेट क्लबलाई ८ विकेटले पराजित गर्दै फाइनलमा स्थान बनायो ।
टस जितेर ब्याटिङ गरेको मिल्सले निर्धारित १३ ओभरमा ३ विकेट गुमाई ९१ रन बनाएको थियो । जसमा पृथ्वी सुब्बाले २९ रन बनाउँदा विशाल ढकालले २४रन बनाए ।
बिसिसीका अविशेक मण्डलले १ विकेट लिए ।
९२ रनको लक्ष्य पछ्याएको बिसिसीले ११ दशमलव ३ बलमा २ विकेट गुमाएर पूरा गर्यो ।
बिसिसीका म्यान अफ म्याच राहुल चौधरीले अविजित ५२ रन धिरज कामतले १७ र कृतिक कामतले नटआउट १२ रनको योगदान दिए । मिल्सका विशाल ढकालले १ विकेट विकेट लिए ।
दोस्रो खेलमा ग्रामथान क्रिकेट क्लबले बेलबारी क्रिकेट क्लबलाई दुई विकेटले पराजित गर्यो ।
टस जितेर ब्याटिङ गरेको वेलबारीले निर्धारित २० ओभरको खेलमा अलआउट हुँदै एक सय १२ रन बनायो ।
जसमा प्रिवित भगतले २० रन बनाउँदा दिपेश सुवेदीले १७ रन बनाए । ग्रामथानका आशीष गुप्ताले ३ विकेट लिँदा अनिश सापकोटाले दुई विकेट लिए ।
एक सय १३ रनको विजयी लक्ष्य पछ्याएको ग्रामथानले १९ ओभरमा ८ विकेट गुमाएर पूरा गर्यो । जसमा म्यान अफ द म्याच सुमन श्रेष्ठ ३३ रन बनाउँदा अन्जर अलीले १५रनको योगदान दिए ।
बेलबारीका निमेश चापागाईंले सर्वाधिक ४ विकेट लिए ।
