विराटनगर । नेपाल दक्षिण एसियाली फुटबल महासंघ (साफ) यु–१९ महिला च्याम्पियनसिप फुटबल प्रतियोगिताबाट बाहिरिएको छ ।
मंगलबार भएको लिग चरणको अन्तिम खेलमा भारतसँग हारेसँगै नेपाल प्रतियोगिताबाट बाहिरिएको हो ।
बंगलादेशको ढाकामा भएको खेलमा नेपाल भारतसँग ४–० गोलअन्तरले पराजित भयो ।
भारतसँगको खेलमा पहिलो हाफमा गोलरहित बराबरी खेलेको नेपालले दोस्रो हाफमा भने चार गोल खायो ।
भारतका लागि नेहाले दुई तथा सुलन्जना राहुल र सिन्डी कोल्नीले एक एक गोल गरे ।
यता, नेपाललाई हराएसँगै भारत प्रतियोगिताको फाइनलमा पुगेको छ । अब, फाइनलमा भारतले बंगलादेशको सामना गर्नेछ ।
यसअघि नेपाल पहिलो खेलमा बंगलादेशसँग ३– १ गोलले पराजित भएको थियो भने दोस्रो खेलमा भुटानसँग १–० गोलले विजयी भएको थियो ।
