विराटनगर । दक्षिण अफ्रिकामा जारी आइसिसी यु–१९ विश्वकप क्रिकेटमा अहिले नेपालले अफगानिस्तानसँग खेलिरहेको छ ।
समूह चरणको तेस्रो तथा अन्तिम खेलिरहेको नेपालले अफगानिस्तानबाट एक सय ४६ रनको लक्ष्य पाएको छ ।
इस्ट लन्डनमा पहिले ब्याटिङ रोजेको अफगानिस्तान ४० दशमलव एक ओभरमा अलआउट हुँदै एक सय ४५ रन बनाएको हो ।
हुने खेलमा नेपालले अफगानिस्तानसँग प्रतिस्पर्धा गर्न आँटेको हो । नेपाल र अफगानिस्तानबीचको खेल नेपाली समयानुसार दिउँसो पौने २ बजे हुने छ।
अघिल्ला दुई खेलमा लगातार हार खेपेको नेपाललाई अघिल्लो चरण (सुपर सिक्स) मा पुग्न अफगानिस्तानलाई पन्छाउनु पर्ने चुनौती छ ।
यस्तै, दुई खेलमा पराजित भएको अफगानिस्तानलाई पनि अगाडि बढ्न नेपाललाई हराउनु पर्ने बाध्यता छ ।
नेपाल र अफगानिस्तानबीचको खेल नकआउटसरह छ ।
समूह ‘डी’ अन्तर्गत नेपाल पहिलो खेलमा न्युजिल्यान्डसँग ६४ रनले पराजित भएको थियो । यस्तै, नेपाल दोस्रो खेलमा पाकिस्तानसँग पाँच विकेटले पराजित भएको थियो ।
समूहमा लगातार दुई जित निकालेको पाकिस्तान र न्युजिल्यान्ड चार चार अंक जोड्दै सुपर सिक्समा पुगिसकेका छन् ।
नेपाल र अफगानिस्तान भने अंकविहीन छन् । त्यसैले शुक्रबार नेपाल र अफगानिस्तानबीचको खेल दुवै टोलीका लागि गर या मरको अवस्था छ ।
विश्वकपमा नेपालले समूह ‘डी’ बाट प्रतिस्पर्धा गरेको हो । यस समूहमा न्युजिल्यान्ड, पाकिस्तान र अफगानिस्तान रहेको छ ।
