एजेन्सी- इङलिस प्रिमियर लिगअन्तर्गत टोटनह्यामले बोर्नमाउथमाथि सहज जित हासिल गरेको छ ।
आइतबार राति भएको खेलमा टोटनह्यामले बोर्नमाउथलाई ३-१ गोलान्तरले पराजित गरेको हो ।
टोटनह्यामको जितमा पापे माटर सार, सन हेंग मुन र रिचार्लिशनले एक-एक गोल गरेका थिए ।
त्यसैगरी बोर्नमाउथका लागि एक गोल एलेक्स स्कटले गरेका थिए ।
यो यस सिजनमा टोटनह्यामको १२औं जित हो ।
यो जितपछि २० खेलमा ३९ अङ्क भएको टोटनह्याम पाँचौं स्थानमा छ ।
त्यस्तै बोर्नमाउथको भने १९ खेलमा २५ अङ्क रहेको छ र ऊ अङ्क तालिकामा १२औं स्थानमा छ ।
यता, गएराति नै भएको अर्को खेलमा आर्सनलले फुलह्यामसँग २-१ गोलको हार बेहोरेको छ ।
फुलह्यामको मैदानमा हारेसँगै आर्सनल शीर्ष स्थानमा उक्लिनबाट बञ्चित भएको छ ।
चौथो स्थानमा रहेको ऊसँग ४० अङ्क छ । उसले पछिल्ला तीन खेलमा जित निकाल्न सकेको छैन ।
