विश्वचर्चित क्रिकेट खेलाडी शेन वार्नको ५२ वर्षको उमेरमा हृदयघातका कारण निधन भएको छ ।
वार्नका व्यवस्थापकका अनुसार वार्नको थाइल्यान्डमा असामयीक मृत्यु भएको हो ।
‘थाइल्यान्डस्थित घरमा वार्न अचेत अवस्थामा फेला परेका थिए’ वार्नका व्यवस्थापद्वारा जारी गरिएको विज्ञप्तिमा भनिएको छ, ‘मेडिकल स्टाफहरुले निकै प्रयास गरे पनि उनलाई बचाउन असमर्थ रहे ।’
वार्नका परिवारले यस दुःखद घडीमा गोपनीयताको अनुरोध गरेको र थप विवरण केही समयपछि सार्वजनिक गरिने विज्ञप्तिमार्फत जानकारी गराइएको छ ।
अष्ट्रेलियाका लागि १५ वर्ष क्रिकेट खेलेका उनले सात सय आठ टेस्ट विकेट लिएका थिए ।
त्यस्तै, एकदिवसियमा दुई सय ९३ र टी२० मा ७० विकेट लिएका उनले क्रिकेटको सबै फम्यार्टमा गरी १३ हजार एक सय ८० रन बनाएका छन् ।
लेग स्पिनका लागि प्रख्यात रहेका वार्नको निधनसँगै यतिबेला विश्व क्रिकेट मर्माहित बनेको छ ।
