आईसिसी टी२० विश्वकप ग्लोबल क्वालिफायरअन्तर्गत आफ्नो अन्तिम खेल खेल्दै गरेको नेपालले सुरुवाती सफलता हात पारेको छ ।
क्यानडाविरुद्ध अन्तिम खेल खेलिरहेको नेपाल आज सखुद नतिजा आत्मसाथ गर्न चाहन्छ ।
पहिलो ओभर बलिङ गर्न आएका कमलसिंह ऐरीले सुरुवातमा नै विकेट लिँदै क्यानडालाई दबाबमा राखेका थिए ।
उनले पहिलो ओभरको पाँचौँ बलमा म्याथ्यु स्पोर्सको विकेट लिएका थिए ।
तीन बलको सामना गरेका स्पोर्स शुन्य रनमा पेभिलियन फर्किए ।
क्यानडाविरुद्धको खेलमा नेपाल विजयी भए ग्लोबल क्वालिफायरको समूह ‘बी’ को विजेता बन्दै सेमिफाइनलमा समूह ‘ए’ को उप–विजेता यूएईसँग खेल्नेछ ।
दुई खेलबाट चार अङ्क बटुलेको नेपाल अपराजित रहँदै तालिकाको शीर्ष स्थानमा छ ।
नेपाललाई पछ्याउँदै समान दुई अङ्क बटुलेका क्यानडा दोस्रो र ओमान तेस्रो स्थानमा छ ।
नेपाल सम्मिलित ग्लोबल क्वालिफायरको समूह ‘ए’ को उपसमूह ‘बी’ को शीर्ष स्थानमा रहँदै आयरल्यान्ड र दोस्रो स्थानमा रहँदै यूएई सेमिफाइनलमा पुगिसकेका छन् ।
