आईसिसी टी२० पुरुष विश्वकप क्वालिफायरका लागि आफ्नो पहिलो खेल खेल्दै गरेको नेपाललाई सुरुवाती झट्का लागेको छ ।
घरेलु टोली ओमानविरुद्ध पहिलो खेल खेल्दै गरेको नेपालले सुरुवाती तीन ओभरमा नै आफ्ना दुवै ओपनर गुमाएको छ ।
नेपालले पहिलो विकेटका रुपमा आसिफ शेखलाइ गुमाएको थियो । शेख खेलको पहिलो ओभरमा नै क्याच आउट भएका थिए ।
शेखलाई विलाल खानले खवार अलिमार्फत क्याच गराएका थिए ।
पहिलो ओभरको अन्तिम बलमा आफ्नो पहिलो विकेट गुमाएको नेपालले खेलको तेस्रो ओभरमा दोस्रो विकेट गुमाएको थियो ।
नेपालका अर्का ओपनर कुशल भुर्तेल पाँच रन बनाएर पेभिलियन फर्किएका थिए ।
भुर्तेललाई पनि विलाल खानले नै क्याच आउट गराएका थिए ।
भुर्तेलको विकेटका लागि खानलाई अलि नै सहयोग गरे ।
१२ रनमा दुई विकेट गुमाएको नेपालको क्रिज यतिबेला दिपेन्द्र सिंह ऐरी र ज्ञानेन्द्र मल्ले सम्हालिरहेका छन् ।
