मान्छेले मात्र नभएर निदाउने सबै प्राणीले सपना देख्ने गर्छन् ।
यसरी सपना देख्ने मानिसहरूले कहिलेकाँही वा नियमित रूपमा लगातार सपनामा बोल्ने, कराउने, हिँड्ने, जस्ता गतिविधिसमेत देखाउने गरेको पाइन्छ ।
सुतिरहेको अवस्थामा देखिने सपनामा वा शरीरमा अचानक विभिन्न समस्या आइपर्ने हुँदा मान्छे निदाएको अवस्थामा बोल्ने, कराउने, हातखुट्टा चलाउने, रुने तथा हाँस्ने गर्न थाल्ने हुन्छन् ।
सपना देख्ने क्रममा मानिसको दिमाग सक्रिय हुन्छ भने शरीर शिथिल अवस्थामा हुन्छ ।
कतिपय मानिसहरू सुतेको बेलामा जुरुक्क उठेर हिँड्ने गरेका हुन्छन् ।
बेहोसीको अवस्थामा उठेर विभिन्न गतिविधि गरेपनि आफूले गरेको गतिविधिबारे थाहा हुँदैन ।
बेहोसीको अवस्थामा मानिसले विभिन्न गल्ती र नराम्रा कामसमेत गरिरहेका हुन्छन् जुन उनीहरूलाई थाहा नै हुँदैन ।
सपनामा हिड्ने समस्या भएका मानिसहरूले घरमा भएको सामग्री फोड्ने, घरबाट बाहिर निस्किने, दिवाल चढेर हाम फाल्ने जस्ता कामहरू गर्ने गर्छन् ।
सपनामा हिँड्ने, कराउने समस्या मानव मस्तिष्कसँग जोडिएको हुन्छ ।
दिनभरिको थकान र मानसिक तनावका कारण मानिसले सपनामा हिँड्ने गरेको पाइएको हो ।
सपना देख्ने क्रममा मानिसको शरीर शिथिल भए पनि दिमाग तीव्र गतिमा चल्ने भएकाले सपनामा बोलेको, हिँडेकोबारे केही पनि याद हुँदैन ।
प्रायः मानसिक समस्या भएका मानिसहरूमा यस्तो समस्या भएको देखिन्छ ।
सपनामा कराएको, रोएको, हाँसेको वा हिँडेको अवस्था कसैले देखेमा उनीहरूलाई छुइदिने वा बोलाइदिने गर्नाले यो हट्ने गर्छ ।
