मोटोपनाको समस्याका कारण उच्च रक्तचाप, कोलेस्ट्रोल, जोर्नीको दुखाइ, मुटुरोग देखा पर्न सक्छ ।
तर जर्नल सेलमा प्रकाशित एक अध्ययनले मोटोपनाको समस्याले यी समस्याहरू मात्र नभइ क्यान्सरको पनि जोखिम बढाउन सक्ने देखाएको हो ।
मोटोपनाले क्यान्सरको जोखिम बढाउनुका साथै क्यान्सरयुक्त ट्यूमरको वृद्धि गर्ने हार्वर्ड विश्वविद्यालयका वैज्ञानिकहरूले दाबी गरेका छन् ।
शरीरको फ्याट शेल्सले क्यान्सरको वृद्धिमा सहयोग पुर्याउने अध्ययनले देखाएको हो । जनावरहरूमा गरिएको अध्ययनका अनुसार मोटोपनाको समस्या भएकामा क्यान्सरसँग लड्ने प्रतिरक्षा प्रणालीको कोषहरूलाई समेत कमजोर बनाउँछ ।
खानामा बढी मात्रामा फ्याटको सेवन गरेमा शरीरमा ट्युमरहरूसँग लड्ने सिडि ८ प्लस टि कोषहरूको सङ्ख्या घट्छ । सिडि ८ प्लस टि कोषहरू क्यान्सरको उपचारमा दिइने इम्युनोथेरपीमा समेत प्रयोग गरिने वैज्ञानिकहरू बताउँछन् । यसबाहेक शरीरमा फ्याटको मात्रा धेरै हुदा क्यान्सरका कोषहरूले यसबाट ऊर्जा लिएर आफ्नो विकास सुरु गर्ने हुदा ट्युमरको वृद्धि हुन थाल्छ ।
