फिफा विश्वकप छनोट खेलअन्तर्गत जापानले लगातार चाैथो जित दर्ता गरेको छ ।
बिहीबार भएको तेस्रो चरणको खेलमा जापानले चीनमाथि २-० गोलको जित दर्ता गर्दै विश्वकप छनोटमा लगातार चौथो जित हात पारेको हो
युया ओसाकोले पहिलो हाफमा पेनाल्टीमा गोल गर्दै चारपल्टको एसियन च्याम्पियनलाई अग्रता दिलाएका थिए । त्यसपछि दोस्रो हाफमा जुनया इतोले जापानको अग्रता दोब्बर बनाए ।
जितसँगै जापान समूह ‘बी’ को दोस्रो स्थानमा छ । समूहका शीर्ष दुई टिम कतारमा हुने सीधै विश्वकपमा पुग्नेछन् र यस्तो प्रतिस्पर्धामा रहेको अस्ट्रेलिया जापानभन्दा एक अङ्कले पछाडि छ ।
यस्तै, अर्को खेलमा अस्ट्रेलियाले भियतनामलाई सहजै ४–० ले हरायो ।
अर्को खेलमा दक्षिण कोरिया १–० ले लेबनानलाई हराएर विश्वकप नजिक पुगेको छ ।
सिडोनमा पाउलो बेन्टोको टिमको जितमा चो गुए–सुङले गोल गरे । सन ह्युङ–मिन र ह्वाङ ही–चानलाई चोटको कारण गुमाएको कोरियाले समूह ‘ए’ मा जितका लागि निकै मिहिनेत गर्नुपर्यो ।
टोलीले छनोटका ७ खेलबाट १७ अङ्क जोडेको छ ।
