दक्षिण अफ्रिकाको क्रिकेट बोर्डले १५औँ संस्करणको इन्डियन प्रिमियर लिग (आइपिएल) आफ्नो देशमा गर्न प्रस्ताव गरेको छ ।
दक्षिण अफ्रिकाले आइपिएल आफ्नो देशमा आयोजना गर्न भारतसमक्ष प्रस्ताव राखेको हो ।
भारतीय क्रिकेट बोर्ड (बिसिसिआइसी)ले फेब्रुअरी २० तारिखमा आइपिएलका लागि खेल स्थलहरूको टुङ्गो लगाउने जनाएको छ ।
बिसिसिआइसीले भारतमै आयोजना गर्ने तयारी गरेपनि कोभिडका कारण युएई र दक्षिण अफ्रिकालाई विकल्पको रूपमा राखेको छ ।
तर दक्षिण अफ्रिकाले भने युएईभन्दा दक्षिण अफ्रिका खर्चका हिसाबले सस्तो पर्ने जनाएको छ ।
दक्षिण अफ्रिकाले होटल खर्चपनि युएईभन्दा सस्तो पर्ने जनाएको छ ।
बिसिसिआइसी र दक्षिण अफ्रिकाको बोर्डका पदाधिकारीहरूबीच त्यसका लागि छलफलसमेत भइरहेको बताइएको छ ।
नयाँ संस्करणको आइपिएल मार्च अन्तिम साताबाट हुने सम्भावना छ । क्रिकइन्फोले आइपिएलको नयाँ संस्करण मार्च २७ बाट सुरु गर्ने तयारी भएको जनाएको छ ।
बिसिसिआइसीले भने औपचारिक रूपमा मिति घोषणा गरेको छैन । यसअघि आठ टोलीले खेल्दै आएको भए पनि नयाँ संस्करणको आइपिएलमा १० टोलीको सहभागिता हुनेछ ।
