नेपाल र अफ्रिकी राष्ट्र मोरिससबीको मैत्रीपूर्ण खेलको प्रत्यक्ष प्रसारण हुने भएको छ ।
कान्तिपुर टेलिभिजनले नेपाल र मोरिससबीचकाे खेल प्रत्यक्ष प्रसारण गर्ने भएको छ ।
कोरोना महामारीका कारण राष्ट्रिय खेलकुद परिषद्ले खेलकुद गतिविधिमा भिडभाड नगर्न निर्देशन दिएअनुरूप नेपाल र मोरिससबीचको खेल दर्शकबिनाको बन्द रङ्गशालामा हुने निश्चित छ ।
यस्तो अवस्थामा कान्तिपुर टिभीले दुवै मैत्रीपूर्ण खेलको लाइभ दिने भएका कारण समर्थकले राहत महसुस गरेका छन् ।
२९ जनवरी र १ फेब्रुअरीमा हुने सो खेल त्रिपुरेश्वरस्थित दशरथ रङ्गशालामा हुनेछ ।
अहिले एन्फा कम्प्लेक्स सातदोबाटोमा नेपाली टिमले सो खेलका लागि प्रशिक्षण गरिरहेका छन् ।
यता, सोही खेलका लागि सोमबार (आज) मोरिससको टिम पनि काठमाडाैँ आइपुगेको छ ।
टोलीका मुख्य प्रशिक्षक अब्दुल्लाह अल्मुताइरीले ३५ खेलाडीहरूलाई बन्द प्रशिक्षणमा डाकेका छन् ।
मोरिसस फिफा वरीयतामा नेपालभन्दा तीन स्थान तल छ । नेपाल एक सय ६९औँ स्थानमा रहँदा मोरिसस एक सय ७२औँ स्थानमा छ ।
नेपाली खेलाडीहरू
विशाल श्रेष्ठ, दीप कार्की, किरणकुमार लिम्बू, शत्रुघन चौधरी, टिकेन्द्र थापा, आशिष लामा, आयुश घलान, आकाश बुढामगर, अनन्त तामाङ, अन्जन विष्ट, एरिक विष्ट, विमल घर्तीमगर, विशाल राई, दर्शन गरुङ, देवेन्द्र तामाङ, दिनेश हेमजन, दिनेश राजवंशी, गौतम श्रेष्ठ, कमल थापा, क्षितिज रन्त चुन्जु, अनिश डाँगी, नवीन गुरुङ, नीतिश थापा, पुजन उपरकोटी, सुवास गरुङ, सुदीप गरुङ, सुजल श्रेष्ठ, सुमन अर्याल, सुमन लामा, सुनिल बल, सुरजज्यू ठकुरी, सुशील राई र तेज तामाङ
