विभागीय टोली नेपाल एपिएफ क्लब पोखरामा जारी २०औँ संस्करणको आहा रारा गोल्डकप फुटबल प्रतियोगिताको सेमिफाइनलमा प्रवेश गरेको छ । पोखरा रङ्गशालामा शनिबार भएको खेलमा बिवाइएससी मिनेसोटा अमेरिकालाई ३–१ गोलले हराउँदै एपिएफ सेमिफाइनल पुगेको हो ।
पहिलो पटक ‘आहा ! रारा गोल्ड कप’ खेल्न नेपाल आएको अमेरिकी क्लबलाई एपिएफले सजिलै हरायो । खेलकाे पहिलो हाफ गोलरहित बराबरीमा सकिएको थियो ।
दोस्रो हाफमा बिवाइएससीले लिएको थियो । ४८औँ मिनेटमा मेगल पलफक्सकले गोलगर्दै पाहुना टोलीलाई सुरुवाती अग्रता दिलाए ।
६९औँ मिनेटमा एपिएफले आवास लामिछानेको पेनाल्टी गोलमार्फत खेललाई बराबरीमा ल्यायो । ८४औँ मिनेटमा वैकल्पिक खेलाडी रवि थिङले गोल गर्दै एपिएफको अग्रता दोब्बर बनाए ।
दोस्रो हाफको इन्जुरी समयमा रविले ब्यक्तिगत दोस्रो गोल गर्दै एपएिफको सेमिफाइनल यात्रा पक्का बनाए ।
अब एपिएफले सेमिफाइनलमा सोमबार हुने सङ्कटा र मछिन्द्रबीचको विजेतासँग खेल्नेछ । आइतबार मनाङ मर्स्याङ्दी नेपाल पुलिस क्लबबीच प्रतिस्पर्धा हुनेछ ।
