नेपालको च्याम्पियन क्लब मछिन्द्र फुटबल क्लबले एएफसी कप छनोट-२०२२ प्ले अफको पहिलो खेलमा श्रीलङ्काको ब्लु स्टारसँग खेल्ने भएको छ ।
एसियाली फुटबल महासङ्घ (एएफसी)ले सार्वजनिक गरेको तालिकाअनुसार मछिन्द्रले ब्लु स्टारलाई प्रतिद्वन्दी पाएको हो
यो खेल त्रिपुरेश्वरस्थित दशरथ रङ्गशालामा आगामी अप्रिल ५ मा हुनेछ । मछिन्द्र र ब्लु स्टारबीचको विजेता टिमले दोस्रो चरणमा भारतको मोहन बगानसँग खेल्नेछ । यो खेल अप्रिल १२ मा हुनेछ ।
मछिन्द्र जारी सहिद स्मारक ‘ए’ डिभिजन लिगको सातौँ चरणसम्म लिगको शीर्ष स्थानमा रहँदै एएफसी कपमा छनोट भएको हो ।
