विजय भुजेलले थपिएको अतिरिक्त समयको अन्तिम सेकेन्डमा गोल गर्न सफल भएपछि थ्रीस्टारले काठमाडौंमा जारी शहीद स्मारक ‘ए’ डिभिजन लिगमा संकटालाई १–० गोलान्तरले हराएको छ ।
दशरथ रङ्गशालामा आज भएको दोस्रो खेलमा दुवै टोलीले निर्धारित ९० मिनेटमा गोल गर्न असफल भए पनि अन्तिम समयमा भुजेल नायक बन्दै थ्रीस्टारलाइ खेल जिताउन सफल भए ।
नौ खेलबाट १६ अङ्क जोडेको थ्रीस्टार तालिकाको चाैथाे स्थानमा उक्लिएको छ ।
समान खेलमा १४ अङ्क जोड्न सफल संकटा पाँचौं स्थानमा झरेको छ ।
