अरनिकाे कलेजलाई आठ विकेटले पराजित गर्दै काेसी क्याम्पसले हिसान टी२० क्रिकेटकाे उपाधि जितेकाे छ ।
उच्च शिक्षालय तथा माध्यमिक विद्यालय सङ्घ (हिसान)काे आयोजनामा वैजनाथपुरस्थित क्रिकेट रङ्गशालमा भएकाे प्रतियाेगिताकाे फाइनल खेलमा काेसीलाई उपाधि दिलाउन वितेश यादव र राेहन विक नायक बने ।
टस जितेर पहिले ब्याटिङ राेजेकाे अरनिकाेले निर्धारित २० ओभरमा १ सय २ रनको सामान्य याेगफल खडा गरेकाे थियाे । अरनिकाेलाई सस्तैमा राेक्न काेसीका रञ्जन कामत र अमित राेयले समान २–२ विकेट लिए ।
निर्धारित ओभरमा सबै विकेट गुमाएकाे अरनिकाेकाे लागि अंकित मण्डले १८, दिप स्वर्णकारले १५ र सुमन मण्डलले १४ रनकाे याेगदान दिएका थिए ।
सामान्य लक्ष्य पछ्याउँदै जवाफी ब्याटिङमा आएकाे काेसी १७ ओभरमा नै खेलमा विजयी हुँदै उपाधि उचाल्न सफल भयाे । काेसीका लागि नायक बनेका यादवले ४१ र विकले नटआउट ३८ रनको उत्कृष्ट पारी खेलेका थिए ।
काेसीलाई राेक्न चन्दन यादव र राहुल नायकले एक–एक विकेट लिए पनि त्याे अपर्याप्त रह्याे ।
काेसीलाई उपाधि दिलाउन फाइनलमा उत्कृष्ट प्रदर्शन गरेका राेहन विक प्रतियाेगिताकै उत्कृष्ट ब्याटर घाेषित भए । त्यस्तै, उत्कृष्ट बलर अरिनिकाेका अभिषेक बराल चुनिदाँ प्रतियोगिताको सर्वाेत्कृष्ट खेलाडिकाे अवार्ड अरनिको कलेजकै अंकित मण्डलले पाए ।
विजेता टाेली तथा अन्य खेलाडिलाई हिसानका केन्द्रीय उपाध्यक्ष भेषराज पोखरेल, हिसान मोरङका अध्यक्ष राजेश कार्कीलगायतले पुरस्कार तथा ट्रफि वितरण गरेका थिए । १३ कलेजकाे सहभागिता रहेकाे प्रतियाेगिता पुस २४ गतेबाट सुरू भएकाे थियाे ।
