लुक डि योङको गोलको मद्दतमा बार्सिलोनाले स्पेनिस सुपर कपको सेमिफाइनलको पहिलो हाफमा रियल मड्रिडलाई १–१ गोलको बराबरीमा रोकेको छ ।
रियादस्थित किङ्ग फहद रङ्गशालामा सम्पन्न पहिलो हाफको २५औं मिनेटमा गोल गर्दै भिनिसियस जुनियरले रियललाई सुरुवाती अग्रता दिलाएका थिए । तर त्यसको १६ मिनेटपछि नै बार्सिलोनाले बराबरी गोल गर्दै खेलमा फर्किएको छ ।
डेम्बेलेको क्रसलाई क्लियर गर्ने क्रममा मिलिटोको खुट्टामा लागेर गोल लुक डि योङको खुट्टामा ठोक्किन पुगेको थियो । ठोक्किएर रियलको पोस्टतिरै फर्किएको बल गोलरक्षक कोर्टुवाले नियन्त्रणमा लिन नसकेपछि बार्सिलोना गोल गर्न सफल भएको थियो ।
सट अन टार्गेटमा बार्सिलोना अघि रहेपनि बल पोसेसनमा भने पहिलो हाफको अन्त्यसम्म रियल अघि रहेको छ ।
