फ्रान्सेली क्लब पेरिस सेन्ट जर्मेन (पिएसजी) ले किलियन एम्बाप्पेसँग क्रिस्टियानो रोनाल्डोलाई साट्ने प्रयास थालेको छ । फ्रान्सेली मिडियाका अनुसार पछिल्लो समय रियल मड्रिडसँग जोडिएको एम्बाप्पेसँग रोनाल्डो साट्ने पिएसजीको योजना छ ।
हालैमात्र म्यानचेस्टर युनाइटेड फर्किएका रोनाल्डो ओल्ड ट्राफोर्डमा खुसी छैनन् । व्यक्तिगत प्रदर्शन राम्रो रहेपनि टोलीसँग तालमेल मिल्न नसकेपछि उनी नयाँ गन्तव्यको खोजीमा रहेको विभिन्न रिपोर्टहरूको दाबी छ ।
यता, एमबापेले पिएसजी छाड्ने लगभग निश्चितजस्तै भएको छ । उनलाई स्पेनिस जायन्ट रियलले अनुबन्ध गर्न चाहेकाे छ । एम्बाप्पेको बहिर्गमनपछि रोनाल्डो भित्र्याउने पिएसजीको योजना छ ।
तथापि, रोनाल्डो पिएसजीसँग जोडिएको यो पहिलो पटक हाेइन । यसअघि युनाइटेड जानुअघि नै गत वर्ष पिएसजीले रोनाल्डोलाई अनुबन्ध गर्न प्रयास गरेको थियो ।
त्यति बेलासम्म एम्बापेलाई पेरिसमै राख्नका लागि गर्न सक्ने निर्णय क्लबकै हातमा थियो । तर अहिले एम्बाप्पेले पिएसजी छोड्ने निश्चित भएका कारण ‘रोनाल्डो डिल’ पक्का हुने जस्तो देखिएको छ ।
