प्रधानमन्त्री कप पुरुष राष्ट्रिय टी २० क्रिकेट प्रतियोगितामा साविक विजेता त्रिभुवन आर्मीमाथि नेपाल पलिस क्लबले जित निकालेको छ ।
मङ्गलबार पुलिसले आर्मीलाई ४ विकेटले पराजित गरेको हो ।
कीर्तिपुरस्थित त्रिभुवन विश्वविद्यालयको मैदानमा समूह ए अन्तर्गतको सबैभन्दा बिलियोटिममध्येका खेलमा आर्मीले पुलिसलाई आर्मीले १३८ रनको लक्ष्य प्रस्तुत गरेको थियो ।
जवाफमा पुलिसले १५ बल बाँकी रहँदै छ विकेट गुमाउँदै १४१ रन बनाएर लक्ष्य पुरा गरेको हो ।
त्यसअघि आर्मीले १९ ओभर पाँच बल खेल्दै सम्पूर्ण विकेटको क्षतिमा १३७ रन बनाएको छ।
आर्मीका कप्तान विनोद भण्डारीले सर्वाधिक ४४ रन बनाए भने ओपनर सोमपाल कामीले ४२ रन बनाए ।
त्यस्तै, हरी चौहान, शुसन भारी र कुशल मल्लले समान १२-१२ रन बनाए।
यता पुलिसका करण केसी, योगेन्द्र सिंह, गुल्सन झा, आरिफ शेख र दिपेन्द्र सिंह ऐरीले क्रमशः ४,२, २, १ र १ विकेट गिराए।
जवाफमा पुलिसका कुशल भुर्तेलले ३५ रन बनाए भने अनिल शाहले २२ रन बनाए। त्यस्तै, आरिफ शेख, दिलिप नाथ र राशिद खानले क्रमशः १० रन जोडे ।
बलिङमा जितेन्द्र मुखियाले दुई विकेट लिँदा शाहब आलमले तीन विकेट गिराए। त्यस्तै, कुशल मल्लले एक विकेट लिए ।
यससँगै पुलिसले लगातार दोस्रो जित दर्ता गरेको छ ।
सोमबार पुलिसले आफ्नो पहिलो खेलमा सुदुरपश्चिम प्रदेशलाई २ रनले पराजित गरेको थियो ।
आर्मीले भने सोमबार पहिलो खेलमा कर्णाली प्रदेशलाई ६३ रनले पराजित गरेको थियो ।
