अन्तिम समयमा साडियो मानेले गोल गरेपछि अफ्रिका कप अफ नेसन्समा सेनेगलले जित निकालेको छ । सोमबार भएको समूह चरणको खेलमा सेनेगलले जिम्बावेमाथि १–० गोलको जित निकालेको हो ।
निर्धारित समय सकिएपछि थपिएको समयमा सेनेगलले पेनाल्टीको मौका पाएको थियो, जसमा मानेले गोल गर्दै सेनेगललाई जित दिलाएका हुन् ।
जितसँगै समूह ‘बी’को सेनेगले सुखद सुरुआत गरेको छ । पहिलो जित निकालेको उसले तीन अङ्क जोडेको छ ।
