२०२२ को विन्डो ट्रान्सफर खुलेसँगै जनवरी पहिलो साताभित्रै स्पेनिस ला लिगाका दुई खेलाडी इंग्लिस प्रिमियर लिगमा अनुबन्धित भएका छन् ।
बार्सिलोनाका ब्राजिलियन मिडफिल्डर फिलिपे कौटिन्हो र एथ्लेटिको मड्रिडका इंग्लिस डिफेन्डर किरन ट्रिपियर न्यूक्यासल युनाइटेडमा अनुबन्धित भएका छन् ।
टोटनहम हटस्परबाट २०१९ को सिजन एथ्लेटिको आएका ट्रिपियर पुनः न्यूक्यासलमार्फत प्रिमियर लिग फर्किएका हुन् । दुई वर्षे स्पेन बसाईमा एक ला लिगा उपाधि जितेका ट्रिपियरले आफू न्यूक्यासलसँग जोडिन पाउँदा हर्षित भएको बताएका छन् ।
ट्वीटरमा ट्वीट गर्दै उनले भनेका छन्, ‘म न्यूक्यासलका समर्थकलाई खुशी बनाउन सक्दो मेहनत गर्नेछु, दिइएको जिम्मेवारी वहन गर्न तयार छु ।’
आजै इंग्लिस क्लब एस्टन भिल्लाले आफ्नो खेलाडीको रुपमा स्पेनिस क्लब बार्सिलोनाका कौटिन्होलाई सार्वजनिक गरेको छ । लिभरपुलबाट २०१८ को सिजन बार्सिलोना आएका कौटिन्हो तीन वर्षपछि पुनः प्रिमियर लिगमा फर्किएका हुन् ।
२०२१/२२ को बाँकी सिजन लोनमा खेल्ने र त्यसपछिको सिजनमा खरिद गर्न सक्ने सर्तसहित कौटिन्हो भिल्ला पुगेका हुन् ।
बार्सिेलोनामा रहँदा दुई ला लिगा, एक कोपा डेल रे र दुई स्पेनिस सुपर कप जितेका कौटिन्होले लोनमा बार्यन म्युनिखमा रहँदा एक बुन्डेसलिगा र २०१९/२० को च्याम्पियन्स लिग जितेका थिए ।
